كاريكاتير: امثال عراقية بس روعة

كاريكاتير: امثال عراقية بس روعة
كاريكاتير: امثال عراقية بس روعة


أبن الحلال بذكره (الانفجار)

تمخض الجبل فولد فأراً ( صرفوا مليارات والكهرباء بالقطارة)

بأحبك وانت لابسني (التبريد)

اسمه بلحصاد ومنجله مكسور ( ناس اتداوم بالبيوت و يستلمون رواتب)

تيتي تيتي مثل ما رحتي جيتي (معاناة العراقيين)

ان اكرمت الكريم ملكته, وان اكرمت اللئيم تمردا (الاردن)

لا حظت برجيلها ولا خذت سيد علي (جبهة التوافق)

من تمشي تتعثر بيه .. ومن تريده ما تلكيه (الشرطة)

غراب يكول لغراب وجهك اسود (اتهامات بين اعضاء الحكومة)

لا خبر لا جفيه لا حامض حلو لا شربت (جية بوش ورامسفيلد كلها مفاجئة)

يركض والعشا خباز( العراقي الشريف)

المنحوس منحوس حتى لو حطوا براسة فانوس (معاناة العراقيين مع الفيزا والاقامات)


الكبير كلب .. الصغير كلب ابن كلب ( بوش الاب وبوش الابن)


جانت عايزه.. التمت.. (فوك الكونكريتات كامو يفجرون جسور وانفاق)


بيدر الذهب هم يحتاج بيدر الدخن ( احنا اهل النفط ... نستورد مشتقاته ؟؟؟)


جيب ليل ... وأخذ عتابه (اذا عندك معتقل اتريد تعرف وين وليش ؟؟؟؟؟)


حظي بكل شي اسود بس بالركي أبيض (عراقي مو بالحكومة)


الفكر فوك البعير و عضه الجلب (عراقي راح للصومال ما حصل فيزا)


ما لقوا بالورد عيب قالوا خده احمر ( الكهرباء تنتل مو زينه عليكم)


ابن خالة الخياطة اللي خيطت بدلت العروس ( حتى هذا حصل وظيفة من يم المسؤولين)


إيطلّع من الحافي نعال (ابو البلدية)


أحترك الأخضر واليابس (مفخخات الاسواق تقتل السنه والشيعه)

أتعلّم الواوي على أكل الدجاج ( شوكت يعوفون الكراسي)


باب النجار مخلوع ( ناس تحجي بالدين ولا دين لهم)


راح الاكو والماكو (العراق وثرواته)


راح دمه هدر (الشعب العراقي)

رزق الشباب ورا الباب (الاحزاب هيه الابواب لأن ماتشتغل الا بتزكية)


روحه بلا رده (انسحاب اي شخص من الحكومة)

شوفوني نجوم الضحى ( خطط امنية خمس نجوم)

اللي يشوف الموت يرضى بالصخونة (شطلعنه لغير بلاد لوما الوضع ؟)

زاد الطين بله ( كل مسؤول يصرح يزداد الوضع سوء)


عامي شامي ( رصاصات الجيش والشرطه)

شتحط الها حتى تطيب؟ (الوضعية)


شعره من جلد خنزير (الحصة التموينية)

شعيرك ولا حنطتهم (عدنه شعير ونستورد الحنطه من استراليا ابعد مكان)

شعيط معيط وجرار الخيط (يقررون مصير العراق)

شفت بعيني محد كلي (ابو غريب)

الركعه زغيره، والشك جبير (توحيد صفوف العراقيين)

شكينا الدف، وبطلنا الغنا (بعنا بيوتنا وسافرنه)

الشمس ماتتغطى بالغرابيل ( يطلعو دعايات - يمضون ونبقى)

شنو هل اللذة من هالفقر ( حواجز كونكريتية و فردي وزوجي)


شافنا سود عباله هنود ( على ابو ديمقراطية وحرية)

صار تاليها انكس ( من اولها والحمد لله)

صانوط لاموط، (كلمن يحجي يموت)

الصبر مفتاح الفرج ( حتى المفتاح مولس)


الطباخ ما ياكل من طبخه ( طبخولنا حياتنا وماضاكوها)

الطبيعة تغلب التطبع (كركوك عراقية)

طرطميس لا جمعه ولاخميس ( الجامعه العربية)

طماطه، ترهم على كل شي ( تغيير التشكيلة الحكومية مجرد مداورة الاسماء)

عادت المياه الى مجاريها (وكل المجاري طايفه)

علج المخبل ترس حلكه ( كل مسؤول شكد حاط حماية)

عند البطون تعمى العيون (من يلغفون كلها تغمض)

غاب القط العب يا فار (والله دتلعب الجريدية)


فوك حكه دكه (يخطفون وياخذون الفدية ويكتلون)

كل لشه متعلكه من كراعينها ( بلكي يسمعون الحكومة(الجثث مجهولة الهوية باهلنا شيعة وسنة واكراد ووووووووو راح اتعب كافي)

إللي ما إله أول ما إله تالي ( للي جوي من ايران)

الميعرف يركص يكول الكاع عوجه (تبرير سوء الاوضاع بوجود الارهاب)

ياكلون تمري ويضربوني بالنوه ( الاردن)


يشتري من عدّنا ثلح و يبيعلنا مّي بارد ( كل الدول المجاورة)

تالي الليل تسمع حس العياط ( الله يدري شظاميلنه بعد)


كولللللللللووووووووا وياهو اكثر مثل عجبكم؟؟؟؟؟

اللي يشوف الموت يرضى بالصخونة (شطلعنه لغير بلاد لوما الوضع ؟)

امثال حلوة وتعكس الواقع الاليم لمعانات شعبنا
عاشت الايادي

اشكرج يا غالية على مرورج الحلو ....يسلمواااااااااااااااااااااااااااااااااااااااااااااا

يشتري من عدّنا ثلح و يبيعلنا مّي بارد ( كل الدول المجاورة)

عجبني غاب القط العب يا فار تذكرني بيها دائما يا القوشي تللسقوفية